Хэнтий аймагт энэ сарын 4-нд айл шатаж 16 настай хүү 11 настай охин дүүгээ галаас аварч өөрөө амь насаа алдсан. Харин 11 настай охины биеийн 60 хувь нь галд өртөж Гэмтэг, согог судлалын үндэсний төвийн эрчимт эмчилгээний тасагт энэ сарын 9-ний өдөр ирж эмчлүүлж байгаа билээ. Тэгвэл охины биеийн байдлын талаар ГССҮТ-өөс тодруулахад, охин гурван удаагийн арьс нөхөх эмчилгээнд орж энгийн тасагт шилжсэн. Одоогийн байдлаар охины бие тогтвортой байгаа бөгөөд эмчилгээ үргэлжилж байгаа гэлээ.
Охин энэ сарын 5-нд зүүн гарын гадна хэсэгт арьс нөхөх эмчилгээнд орсон бол арванхоёрдугаар сарын 9-нд баруун гарыг бүхэлд нь донор арьсаар нөхөх эмчилгээнд орж арванхоёрдугаар сарын 15-нд донор арьсаа буцаж авч өөрийн арьсаар нөхөх хагалгаанд оржээ.
